ଆଦର୍ଶ ଗୁରୁ

ଗୁରୁ ପୂଜନୀୟ ଗୁରୁ ବନ୍ଦନୀୟ

ସକଳ ତୀର୍ଥ ତାଙ୍କରି ଚରଣେ,

ଗୁରୁ ବିନୁ ଜୀବନ ଅନ୍ଧାର

ରହିଥାଅ ସର୍ବଦା ତାଙ୍କ ଶରଣେ ।

ଗୁରୁ ପଥପ୍ରଦର୍ଶକ , ବୁଦ୍ଧିବର୍ଦ୍ଧକ ଏବଂ

ଅଜ୍ଞାନନାଶକ ଭଳି ଗୁଣର ଅଧିକାରୀ,

ଭାଗ୍ୟଶାଳୀ ବୋଲି ସଂସାର ଜାଣିବ

ଗୁରୁଙ୍କ ଛତ୍ରଛାୟାରେ ହେବ ଶ୍ରଦ୍ଧାସବୁରୀ ।

ଗୁରୁ ପାଇଁ ଅଭାବ ସଂଜ୍ଞା

ଅଭାବ ପୁଣି ବିଶେଷ୍ୟ ବିଶେଷଣ,

ଖୋଜି ଜାଣିଲେ ମିଳିଯିବେ ଚତୁର୍ଦିଗେ

ପୂରୁବ ପଶ୍ଚିମ ଉତ୍ତର ଦକ୍ଷିଣ ।

ସଂସାର ମଧ୍ୟେ ପ୍ରଥମ ଶିକ୍ଷାଗୁରୁ ରୂପେ

ଯାଏ ପିତାମାତାଙ୍କୁ ଏହାର ଶ୍ରେୟ ,

ତାଙ୍କ ଅଶୀର୍ବାଦେ ଭବିଷ୍ୟ ଉଜ୍ଜ୍ୱଳ

ଅଭାବ ରୁହେନି ଖାଦ୍ୟ,ବସ୍ତ୍ର, ଆଶ୍ରୟ।

ଅଙ୍ଗନବାଡ଼ିରୁ ଆରମ୍ଭୁ ବିଶ୍ୱବିଦ୍ୟାଳୟ ପର୍ଯ୍ୟନ୍ତ

ସମସ୍ତ ଗୁରୁଙ୍କ ରହିଛି ସମାନ ଭୂମିକା,

ମାଟି ପିଣ୍ଡୁଳାକୁ ମୂର୍ତ୍ତିର ରୂପ ଦେଇ

ବନିଯାଆନ୍ତି ଶ୍ରେଷ୍ଠ ବ୍ୟକ୍ତି ଦାମିକା ।

ଶିକ୍ଷା ଗ୍ରହଣ ପାଇଁ ଲୋଡ଼ା ହୁଏ ନାହିଁ

ବଡ଼ ବଡ଼ ମହଲ ସୁସଜ୍ଜିତ ବିଦ୍ୟାଳୟ,

ଯଦି ମିଳିଯାଏ ଉତ୍ତମ ଆଦର୍ଶ ଗୁରୁ

ଯେଉଁ ସ୍ଥାନ ହେଉ ବନିଯାଏ ଦେବାଳୟ ।

କେବଳ ବିଦ୍ୟାଳୟର ଶ୍ରେଣୀରେ ପଢ଼ାଉଥିବା

ବ୍ୟକ୍ତିକୁ ଗୁରୁ କୁହାଯାଇ ନ ପାରେ ,

ସଠିକ ମାର୍ଗ ଦେଖାଉଥିବା ପ୍ରତ୍ୟେକ ବ୍ୟକ୍ତି

ଉତ୍ତମ ଗୁରୁ ମଧ୍ୟ ହୋଇପାରେ ।