ଆମ ସ୍ୱପ୍ନର ପରୀ

ସତେ କେତେ ତପସ୍ୟାର ଫଳ ଆମ କୁନି ପରୀ ,

ଜଗନ୍ନାଥଙ୍କ ଆଶୀର୍ବାଦର ଜୀବନ୍ତ ସ୍ୱରୂପ ପରି ।

ଏଇ ଅନନ୍ୟ ସମ୍ପତ୍ତିର ହୋଇ କେ ପାରିବ ସରି !

ଆସିଛି କେତେ ଭବିଷ୍ୟ ସପନେ ବନ୍ଧା ଗଣ୍ଠିଲି ଧରି

ବିଚ୍ଛୁରିତ ମୋତିର ମାଳା ଗୁନ୍ଥିବା ଇଛା ଅସୁମାରି ,

ଦେଖାଇଛି ଆଗାମୀ ପଥକୁ ଆମ ସଳଖ କରି ।

ଚାଲିବ ସମ୍ମୁଖେ ଆମର ନିର୍ଣ୍ଣାୟକ ପତାକା ଧରି ,

 ନେବା ଶିଖାଇବ ନିଷ୍ପତ୍ତି ପରିପକ୍ୱତାକୁ ଭିତ୍ତି କରି।

ମାଡିଯିବାକୁ ସଂସାର ଝଡଝଞ୍ଜାକୁ ତିଳେ ନ ଡରି,

ଥାପିବା ପାଦ ଉଦ୍ଦାମ ମନର ଲଗାମକୁ ଭିଡି ଧରି ,

ହସ ଜୋତ୍ସ୍ନାରେ ଭିଜେଇ ସଙ୍ଗେ ବଢୁଥିବ ପରୀ ।

ମାତା ହୋଇ ସ୍ୱୟଂ ସମ୍ପୂର୍ଣ୍ଣା ହୁଏ ଯେ ନାରୀ ,

ଢାଳିଛନ୍ତି ଆଶିଷ ପ୍ରଭୁ ଦୁହିତା ରୂପେ ଆମରି ।

ନିଶ୍ଚେ ହୋଇବ ଦିନେ ଆମ ପ୍ରିୟ ବାନ୍ଧବୀ ପରି ।

ଜ୍ଞାନ ଗୁଣ ସ୍ୱାସ୍ଥ୍ୟ ସଂସ୍କାରେ ସେ ଧନକୁ ତିଆରି , 

ସୁନ୍ଦର ସୁଖମୟ ଜୀବନ ଦେବାର ସଂକଳ୍ପ କରି ,

ଗଢି ତୋଳିବୁ ପରୀକୁ ମାନବିକତାରେ ଉତ୍ତାରି ।

ଆନ୍ତରିକ ଆନନ୍ଦେ ସ୍ୱୀକାର୍ଯ୍ୟ ତୁମ ଆଶିଷ ଶ୍ରୀ ହରି ।