ଅନ୍ତରରୁ ପଦେ

ପ୍ରଥମ ଦେଖାରେ ଲାଗୁଥିଲ ତୁମେ

          ଅତି ଆପଣାର ମୋର

ପାଗଳ ମନଟା ନଦେଖିଲେ ଦିନେ

          ହେଉଥିଲା ଅଧିର ।

କୋହଲା ପାଗରେ ଭସା ବାଦଲକୁ

        ନିରେଖି ମୁଁ ଦେଖୁଥାଏ

  ନିରୋଳାରେ ବସି ଖୋଲା ଆକାଶ ତଳେ

        ତାରାକୁ ମୁଁ ଗଣୁଥାଏ ।

ପାଖରେ ବସିଲେ ଚୋରା ମନ ମୋର

        ଲୁଚେଇ ଲୁଚେଇ ଦେଖେ

ତୁମେ ମୋ ଆଖି ରେ ଆଖି ମିଳାଇ ଲେ

      ଲାଜରେ ସରମୀ ଉଠେ ।

ତୁମେ ଟିକେ ହସିଦେଲେ

     ଫୁଲର ପାଖୁଡ଼ା ଝଡେ

 ସେହି ଫୁଲର ରସକୁ ନେଇ

      ମନ ମନ୍ଦିର ତୋଳେ ।

ଚାଲିଗଲା ପରେ ତୁମେ

      ମୁଁ ତୁମକୁ ଝୁରେ

ଅକୁହା କଥାକୁ ଛାତିରେ ରଖି

       ପ୍ରେମ ବତୀ ମୁଁ ଜାଳେ ।