ବାପା ତମେ ନିଜ ପାଇଁ କ'ଣ କରିଛ ?

ମାଗିବା ଆଗରୁ ସବୁତ ଦେଇଛ , 

ଅଳି ଅଝଟ ସବୁ ପୁରଣ କରିଛ । 

ତୁମେ କୋଉ ଇଶ୍ୱର ଙ୍କ ଠୁ କମ୍ ଅଛ ? 

ହେଲେ କୁହ ବାପା

ନିଜ ପାଇଁ ତମେ କ'ଣ କରିଛ ? 

ନିଜ ପେଟ କାଟି ଆମ ପାଇଁ 

ତୁମେ ସର୍ବସ୍ବ ଦେଇଚାଲିଛ , 

ବାପା ତମେ ନିଜ ପାଇଁ କ'ଣ କରିଛ ? 

ଖେଳନାଟେ ପାଇଁ ଅଳି କରିଦେଲେ

ଖେଳନାରେ ଘର ଭରିଛ , 

ନିଜେ କିନ୍ତୁ ବାପା ପୁରୁଣା ଗଞ୍ଜି ପିନ୍ଧି

କେତେ କାଳ ବିତେଇଛ । 

ଜନ୍ମଦିନ ଅବା ଜାନିଯାତରାରେ

କେତେ ଯେ ନୂଆ ଯାମା ଆଣିଛ , 

ନିଜ ପ୍ୟାଣ୍ଟ କିନ୍ତୁ ପୁରୁଣା ହେଲା ପରେ 

ଧୋଇ ସୁଖେଇ ସଜାଡ଼ିଛ । 

ଶୀତରେ ନ ଶୋଉ କେବେ 

ଆମେ ବୋଲି କେତେ କମଳ କିଣିଛ , 

ନିଜେ କିନ୍ତୁ ଖାଲି ଚଦର ଘୋଡ଼େଇ 

ସାରା ଶୀତ ତମେ କାଟିଛ । 

ଜ୍ୱର ଟିକେ ହେଲେ ଅନିଦ୍ରାରେ ରହି

କେତେ ଔଷଧ ଦେଇଛ , 

ନିଜ ପାଇଁ କିନ୍ତୁ ପୂଜା - ପାଦୁକକୁ

ତୁଣ୍ଡେ ମାରିଦେଇ ରହିଛ । 

ଜୀବନଟା ଯାକ ସବୁ ଦୁଃଖ ନେଇ

ଆମକୁ ସୁଖ ଦେଇଛ , 

ହେଲେ ବାପା ତମେ କହିବକି ଥରେ

ନିଜ ପାଇଁ କ'ଣ କରିଛ ? 

ବାପା

ନିଜ ପାଇଁ କ'ଣ କରିଛ ?