ଭାବର ଠାକୁର

ଭାବର ସହରେ ଭାବର ଠାକୁର

    ଭାବରେ ବାନ୍ଧୁଛ ବସି

ଯାହାକୁ ଦେଖିଲେ ସିଏ ଦେଖାଯାଏ

    ତୋ ଭାବରେ ଯାଏ ଭାସି

ଭାବ ବିନୋଦିଆ କ୍ଷେତ୍ରବାସୀ l

ଲିମ୍ବ ଗଛ ଦେହେ ତୋ ଭାବ ଲାଗିଲେ

    ଦାରୁ ଦାରୁ ପରି ଦିଶେ

ଲିମ୍ବକାଠେ ତୋର ମଳୟ ବାଜିଲେ

    ଚନ୍ଦନ ଚନ୍ଦନ ବାସେ

ତୋ ଭାବେ ରହିଲେ ଅକଳନା ଭକ୍ତି

    ଜନ୍ମଇ ହୃଦୟେ ଆସି l

ବଣର ତୁଳସୀ ଭାବରେ ଭାସିଲେ

   ତୁଳସୀ ତୁଳସୀ ବାସେ

ଚାଉଳ ଅନ୍ନରେ ତୋ ଭାବ ଲାଗିଲେ

   ଅବଢ଼ା ଅବଢ଼ା ବାସେ

ଭାବେ ବାନ୍ଧି ହେଲେ ବଇକୁଣ୍ଠ ବାସୀ

   ମୋକ୍ଷ ଦେଉ ହସି ହସି l