ଭୃଣହତ୍ଯା
ଭୃଣହତ୍ଯା
1 min
187
ଭୃଣ ଅଟେ ଏକ ଇଶ୍ବରଙ୍କ ରୂପ
କର ନାହିଁ କ୍ଷୟ କ୍ଷତି
ନିଜ ସ୍ବାର୍ଥ ପାଇଁ କାହିଁକି ମାରୁଛ
ନିଷ୍ଠୁର ମଣିଷ ଜାତି ।
ସଂସାରକୁ ସିଏ ଦେଖିବା ଆଗରୁ
ଗର୍ଭ ମଧ୍ଯେ ଦେଲ ମାରି
ଦୋଷି ନାହିଁ ଶିଶୁ ସାଜ କିଆଁ ପଶୁ
ପାପେ ହୁଅ ଭାଗିଦାରୀ ।
ବାପା ମାଆ ଡାକ ଡାକିବା ଆଗରୁ
କର କ୍ଷୟ କ୍ଷତି ତାର
ଖଣ୍ତ ଖଣ୍ତ କରି ଅଙ୍ଗ ପ୍ରତ୍ୟଙ୍ଗକୁ
କରୁଅଛ ନାର ଖାର ।
ତୁମେ ମଧ୍ଯ ଦିନେ ଭୃଣଟିଏ ଥିଲ
ଆଜି ଯେ ହେଲ ମଣିଷ
କେମିତି ମାରୁଛ ଗର୍ଭରୁ ଯେ ତାକୁ
କରି ଯେ ଅଣ-ନିଶ୍ବାସ ।