ବଞ୍ଚାଅ
ବଞ୍ଚାଅ
ସୃଷ୍ଟି ତ' କାନ୍ଦୁଛି ଆମ୍ଭେ କନ୍ଦଉଚ୍ଛେ
ଆମେ କାନ୍ଦିବାନି କିପରି
ଜନ୍ମଦାତ୍ରୀ ବୋଲି ସହିଛି ଏଯାଏଁ
ପ୍ରାଣ ନିଶ୍ଚେ ଯିବ ଆମରି l
ଦିନକୁ ଦିନକୁ ବଢ଼ି ଯାଉଅଛି
ମାଆ ଶବ୍ଦରେ କଳଙ୍କ
ଜ୍ଞାନୀ ଗୁଣି ପୁତ୍ର ଥାଇ କି ଲାଭ
ମାଟି ମାଆ ହେଲେ ଅପବିତ୍ର l
ଜାଣି ଜାଣି ସବୁ ଅଜଣା ହୋଇକି
କରୁଛ ପ୍ରକୃତି ଅସନା
ଜୀବନ ସ୍ୱାଗତ ତା'ପାଇଁ ପରା
ଏ କଥା କି ତୁମେ ଜାଣନା l
ବେଳ ଥାଉ ଥାଉ ସାବଧାନ ହୋଇ
କର ତାର ପ୍ରତିକାର
ନହଲେ ମାତାକୁ ମାରି ପାଦତଳେ
ମଶାଣିକୁ ଯିବା ସାର l