ବୃଦ୍ଧ ବାପାର କଷ୍ଟ
ବୃଦ୍ଧ ବାପାର କଷ୍ଟ
କେତେ ଦେବଦେବୀ
କେତେ ପୂଜା ବ୍ରତ
କେତେ କରିଥିଲେ ତପ
ସୌଭାଗ୍ୟ ଲଭଇ
ସେହି ଜନ ପରା
ହୋଇଥାଏ ଯେବେ ବାପ ।
ନିଜର ସବୁ ଦୁଃଖ ଭୁଲିଯାଇ
ସନ୍ତାନର ସୁଖ ପାଇଁ
କରାଯାଏ କର୍ମ ପିତା ଧର୍ମ ପାଳି
ନିଜ ସୁଖ ବଳି ଦେଇ ।
ଖରାକି ବରଷା ଶୀତକି କାକର
ଝଡ ଅବା ଅଂଶୁଘାତ
ପୁଅ ଭବିଷ୍ୟତ ଉଜ୍ବଳ ପାଇଁକି
କରମ କରେ ସତତ ।
ସେଇ ପୁଅଦିନେ ବଡ଼ ହୋଇ ଯେବେ
ହାକିମ ଚାକିରି କଲା
ମଳି ମୁଣ୍ଡିଆ ସେ ଗାଁଉଲୀ ବାପାକୁ
ପାଖରୁ ଦୂରେଇ ଦେଲା ।
ବିଚରା ନିରୀହ ବାପଟି ନୀରବେ
ଝରାଇ ନୟନୁ ନୀର
ହୃଦୟ କଷ୍ଟକୁ ହୃଦୟରେ ଚାପି
କହେ ନାହିଁ କା ଆଗର ।
ପିତା ଧର୍ମ ପିତା ସ୍ବର୍ଗଟି ଜାଣିଥା
ପିତା ହିଁ ପରମ ତପ
ପିତା ଆଶୀର୍ବାଦ ଥିଲେ ମଥା ପରେ
ସନ୍ତାନେ ନଛୁଏଁ ପାପ।