ଦିବ୍ଯ ଦୀପାବଳି
ଦିବ୍ଯ ଦୀପାବଳି
ଏ ଧରା ପ୍ରାଙ୍ଗଣେ ମାନବ ଜୀବନେ
ଆସେ କେତେ କ'ଣ ନୀତି
କେବେ ଦୀପାବଳି କେବେ ଯେ ପାର୍ବଣ
ପର୍ବପର୍ବାଣୀ ର ରାତି ।
ମନ ମୋହେ ଏଠି ସୁନେଲୀ ସପନ
ରଙ୍ଗ ବିରଙ୍ଗ ଏ ଦିନ
ନିର୍ମଳ ଶୋଭାରେ ଆଖି ଭରିଥାଏ
ପ୍ରୀତିରେ ଭରେ ଯେ ମନ ।
ଆଲୋକର ପର୍ବ ଏଇ ଦୀପାବଳି
ଦିବ୍ୟ ତା'ର ଅନୁଭବ
ଅନ୍ଧାର ନିଶି ରେ ଅପୂର୍ବ ରୋଷଣୀ
ରୂପ ଅବା ଅଭିନବ ।
ସଂଜ ସାଥେ ଏଠି ସତେବା ଯେମିତ
ରାତି ମନେ ହୁଏ ଦିନ
ଦୀପ ମାଳ ମାଳ ସବୁଠି ଚମକେ
ନାଚି ଯାଏ ପୁଣି ମନ ।
ଜୀବନର ପଥେ ଦିବ୍ୟ ଦୀପାବଳି
ପ୍ରୀତିର ମହକ ଥୋଇ
ପୁଣି ହଜିଯାଏ ବରଷକ ପାଇଁ
ଅନ୍ଧାର ଦେଇ ଦୂରେଇ ।