ଈଶ୍ବର ଅଛନ୍ତି କି ନାହାନ୍ତି

ସମର୍ପଣତାରେ ଈଶ୍ବର ପ୍ରାପ୍ତି,

ମନ ସରଳତାରେ ମିଳେ ମୁକ୍ତି ।

କିଛି କହନ୍ତି ଇଶ୍ବରଙ୍କ ଅବତାର,

ସୃଷ୍ଟିକର୍ତ୍ତା ବହୁ କଳଙ୍କିତ ଅଧ୍ୟାୟର ।

ପାଇଛି ଯିଏ ଇଶ୍ବରଙ୍କ ସ୍ପର୍ଶ,

ଏହାତ ତା ମନ ଭିତର ବିଶ୍ୱାସ ।

ବହୁ ଲୋକ ପରା ଯୁକ୍ତି କରନ୍ତି,

କପୋଳକଳ୍ପିତ କଥା ତ କୁହନ୍ତି ।

କୋଭିଡ ଭୂତ ବିଶ୍ୱକୁ କନ୍ଦାଇଲା,

ମଣିଷ ପଣିଆ ସବୁ ଛଡ଼ାଇ ନେଲା ।

କୁହ, ମଣିଷକୁ ଛୁଇଁଲନି କେହି,

ଜୀବନ ଭୟରେ ଲୁଚିଲ କାହିଁପାଇଁ ।

ମଣିଷ ଏବେ ବନିଛି ଏକ ଜନ୍ତୁ,

ମାନବିକତା ଭରିବାକୁ କୁହନ୍ତୁ ।

ଘରେ ଘରେ ଆଜି ଲୁହ ଝରୁଛି,

ଗୁହାରି କର ଦୁଃଖ ଦେବେ ପୋଛି ।

ଇଶ୍ବରଙ୍କ ସତ୍ତା ମୁଁ କେବେ ପାଇନି,

ହଁ, ମୁଁ ତ ପାପୀ, ତେଣୁ ତାଙ୍କୁ ଦେଖିନି ।