ଜୀବନ ଯାତ୍ରା
ଜୀବନ ଯାତ୍ରା
ଅବସ୍ଥା ଭେଦେ ଜୀବନ
ଅନେକ ପର୍ଯ୍ଯାୟ
ଲଭି ଗତି କରି କେତେ
ଲାଭ ବିପର୍ଯ୍ଯୟ ॥
ଆହରଇ ବହୁ ଭାବେ
ବିବିଧ ସୁଷମେ
ଜୀବନର ଆଦ୍ଯକାଳ
ଶଇଶବ କ୍ଷଣେ ॥
ଘଟି ଯାଇ ଥାଏ ଯେତେ
ଭାବ ଅନୁଭୁତି
ସୁଖ ଦୁଃଖ ହସ କାନ୍ଦ
ଅଭିନବ ସ୍ମୂତି ॥
କେତେ କେତେ ସ୍ବପ୍ନାବଳି
ବର୍ଣ୍ଣିଳ ବିଳାସେ
ଦେଖି ହସି ଖେଳି ଖୁସି
ଆମୋଦ ପ୍ରକାଶେ ॥
ଅସୀମ ଭାବ ‐ଭଣ୍ତାର
ବିପୁଳ ‐ପ୍ଲାବନେ
ବିଧଉତ ସ୍ମୂତି ରାଶି
ପୁଣି ଯଉବନେ ॥
ଆହରିତ ଅସରନ୍ତି
ଜ୍ଞାନ ଅନୁଭୂତି
ବାର୍ଦ୍ଧକ୍ଯ ସମୟେ ପୁଣି
ଜାଗ୍ରତ ହୁଅନ୍ତି ॥
ଜରା ରଜଳନେ ପ୍ରାଣ
ହୁଅଇ ଅଥୟ
ଅନୁଭବେ ଏଜଗତ
ଅତି ଦୁଃଖମୟ ॥
ଜରାଗ୍ରାସେ ଅଶକତ
ଲୋଳିତ ବିଗ୍ରହ
ବୋହି ରୋଗ ,ଶୋକ , ତାପେ
ଦହି ଅହରହ ॥
ଜୀବନ ସଂଗ୍ରାମେ ବ୍ଯସ୍ତ
ଅସହାୟ ତାର
ତୋଳେ ପୂଣି କାରୁଣ୍ଯର
ପୂରବୀ ‐ଝଙ୍କାର ॥
କ୍ରମେ କ୍ରମେ ଆସେ ମୂତ୍ଯୁ
ଦୂତ ପଦକ୍ଷେପେ
ଲେଉଟିବ କେଉଁ ଦିନ
ନଜାଣଇ ଆପେ ॥