ଜଲେବି ଖିଆ ପ୍ରିୟା

ପ୍ରିୟା ସାଥେ ଦିନେ ଯାଇଥିଲି ମୁହିଁ 

ଓଡ଼ିଆ ବଜାର ବୁଲି 

ହାତେ ଧରିଥିଲା ଭ୍ୟାନିଟି ଗୋଟିଏ 

ଚାଲୁଥିଲା ହଲି ହଲି ।

ରାସ୍ତା କଡରେ ଭଳି ଭଳି ଚିଜ 

ଦେଖିଣ ଗଲା ଅଟକି 

ହଟ ଜଲେବି ଖାଇବ ବୋଲିକି 

ଆଖି ତାର ଗଲା ଲାଖି ।

ଗରମ ଗରମ ଜଲେବିକୁ ଦେଖି 

ପାଟିରୁ ବୁହାଇ ଲାଳ 

ଦୋକାନୀ ଭାଇକୁ ମାଗିଲା ଦିଓଟି 

କରି ସେଠି ହଟ ଗୋଳ ।

ଖାଇ ସାରି ସବୁ ଜଲେବିକୁ ଏବେ 

ଚାଲିଗଲା ଆଗେ ଆଗେ 

ବନ୍ଧା ପଡିଲି ମୁଁ ଦୋକାନୀ ପାଖରେ 

ଟଙ୍କା ଖୋଜୁଥିଲି ବାଗେ ।

ଭ୍ୟାନିଟି ଖୋଲିକି ଦେଖିଲି ଭିତରେ 

ନ ଥିଲା ଗୋଟିଏ ଟଙ୍କା 

ହଟ ଜଲେବି ଖୁଆଇ ପ୍ରିୟାକୁ 

ମୁହଁ ହୋଇଗଲା ବଙ୍କା ।