ଜଳକା ଗରିବ ଚାହିଁକି
ଜଳକା ଗରିବ ଚାହିଁକି
ବସି ଖାଉଥିଲେ ସରେ ନଈବାଲି
ଜଳଧାର ହୁଏ ଶୁଷ୍କ
କଷ୍ଟ ନ କରିଲେ ମିଳେ ନାହିଁ କୃଷ୍ଣ
ଜୀବନଟା ନିରର୍ଥକ
ଅଟେ ପରିଶ୍ରମ ମୂଳ
ନବୁଣିଲେ ଧାନ ହୁଏନି ଅମଳ
ଫସଲ ହେଉ ବା ଫଳ ।
ପରଜୀବୀ ହୋଇ ବଞ୍ଚି ରହିବାକୁ
କରନ୍ତି ଥୋକେ ପସନ୍ଦ
ଆଖି ବୁଜିଦେଇ ନିଅନ୍ତି ବାହାବାଃ
ବୁଝନ୍ତିନି ଭଲମନ୍ଦ
ନକରି ନିଜ କର୍ତ୍ତବ୍ଯ
ପାହାର ପକାନ୍ତି ଚାଲିବା ବଳଦେ
ନିନ୍ଦନ୍ତି ସାଧବ ଭାଗ୍ଯ ।
ପୁଅ ଅଫିସର ପୋଲିସ ଶିକ୍ଷକ
ଝିଅ ବି କରନ୍ତି ଚାକିରୀ
ଉଠାନ୍ତି ସୁବିଧା ବାର୍ଦ୍ଧକ୍ଯର ଭତ୍ତା
ତଥାପି ମାଗଣା ଉପୁରି
ଯୋଜନା ନାମରେ ଭେଳିକି
ଖାଉଛନ୍ତି ଲୁଟି ମାରୁ ମହାପାତ୍ରେ
ଜଳକା ଗରିବ ଚାହିଁକି ।