କିପାଇଁ ସଭ୍ୟତା ବିପଦେ
କିପାଇଁ ସଭ୍ୟତା ବିପଦେ
ଗଛଲତା କାଟିଲେ ଜଙ୍ଗଲ ସଫା କରି ଦେଲେ,
ଆଉ କିଛି, ବାତ୍ଯା ଭାଙ୍ଗି ଦେଲା
ଫଳ ସ୍ୱରୂପ ଆମ ମାନଂକୁ ସମସ୍ତ ପ୍ରକୃତିଦତ୍ତ
ବନ୍ୟ ଜାତ ଦ୍ରବ୍ୟ ଆଉ ନମିଳିଲା ।
କିଛି କଳ କାରଖାନା ଗଢା ହୋଇ ଚାଷ ଜମି
ସବୁ ହୋଇଛି ଛାରଖାର
ଅଗଣିତ ମୋ ଚାଷୀ ଭାଇ ଜମି ଅଭାବରେ
ହୋଇଛନ୍ତି ତ ବେକାର ।
ଜୀବନ ବଂଚିବାର ସଂଗ୍ରାମେ ଯାଏ, ଗାଁର
ଯୁବକ ଦୂରକୁ ଦାଦନ ହେବାକୁ
ବେକାର ଯୁବକ, ଗାଁରେ ଘୃଣ୍ୟ ରାଜନୀତିରେ
ବାଛେ ଅହରହ ବିତଣ୍ଡା ଯୁକ୍ତ ତର୍କକୁ ।
ପାଇଛେ ପରା ସ୍ୱାଧୀନତା, କହିବାର ଅଧିକାର,
ସଭିଏଁ ନିଜକୁ ଭାବନ୍ତି ସମ୍ରାଟ ଏଠି
ମନେ ଅହଙ୍କାର ହିଂସା ପ୍ରତି ହିଂସା ମନ୍ଦବୁଦ୍ଧି ଭର୍ତ୍ତି,
ନାହିଁ ଭାତୃଭାବ, ସେ ଅତୀତର କୀର୍ତ୍ତି ।
ଆସିଲେ ଗାଁକୁ ଶୁଣୁଛେ ଖଣ୍ଡି ହିନ୍ଦୀ କୁହା ବଡ
ବଡ ମନ ଗଢା ବାଣୀ
ମୋବାଇଲ ଧରି ଭାବେ ହାତ ମୁଠାରେ ଦୁନିଆ,
ସଂସ୍କୃତି ତ ନିଶ୍ଚିହ୍ନ ହେଲାଣି ।
ମୁଖରୁ ସ୍ଫୁରଇ ସଦା ଶାଣିତ ବଚନ, ସମାନ୍ଯ
କଥାରେ ରକ୍ତ ରଂଜିତ ହୁଏ ଗାଁ ଭୂଇଁ
ଆମର କେଉଁଠି ଭୁଲ ହୋଇଛି ? ଦେଶପ୍ରେମୀ
ଜନ ସାଧାରଣ ଦିବା ନିଶି ଭାବୁ ଥାଇ ।
ଆଜାଗାରେ ଘାଆ ଦେଖାଇ ହୁଏନି, ସେହିପରି,
ପୁଂଜିପତି ହେବାକୁ, ଭାଂଗିଛେ ନିୟମ ପ୍ରକୃତିର
କଷଣ ଭୋଗୁଛେ, ସଭିଏଁ ଭୀତତ୍ରସ୍ତ, ସାମାଜିକ
ଦୂରତା, ମାସ୍କ ସାନିଟାଇଜ଼ର ହୁଏ ବ୍ୟବହାର ।
ନିଶ୍ଚିତ କରିଛେ ଭୁଲ, କରି ବିବର୍ଣ୍ଣା, ଵିଵସ୍ତ୍ର
ସବୁଜ ଶ୍ୟାମଳା ଧରିତ୍ରୀ ମାତାକୁ
ବନ୍ୟା ବାତ୍ୟା ମରୁଡ଼ି କରୋନା ଗ୍ରାସିଲାଣି,
ଆଉ କଅଣ ଅଛି ବୁଝିବାକୁ ମନୁଷ୍ୟକୁ ।
ମନରେ ଦୃଢ ଭାବେ ରଖ, ଯେତିକି ଜଂଗଲ
ଅଛି ଆମରି ଦେଶରେ
ସୁରକ୍ଷା କରିବା ଦୃଢ ମନୋବଳେ, ପରିବେଶକୁ
ସଜାଡିବା, ଜିତିବା ଲକ୍ଷ୍ୟରେ ।
ଲଗାଇବା ଆଜିଠୁଁ ଆମ୍ବ, ନିମ୍ୱ, ବେଲଗଛ,
ବାଡ଼ିପଛ ପଟେ ଆଉ ବାଡ଼ି ଅଗଣାରେ
ରୋପିବାକୁ ହେବ ଆମ୍ବ, ଦେବ ଦାରୁ, ଜାମୁ
କୋଳି ଓ କରଞ୍ଜର ଗଛ ଖାଲି ଜାଗାରେ ।
ଚାଷ ଜମିକୁ ଧାନ, ଗହମ, ମୁଗ, କୋଳଥ,
ବିରି, ମାଣ୍ଡିଆ ଗଛରେ ଭରି ଦେବା
ବାଡ଼ି ପଛ ଜାଗାରେ କୋଶଳା କି ଲେଉଟିଆ,
ଜହ୍ନି କାକୁଡ଼ି, ମଞ୍ଜିକୁ ବୁଣିବା ।
ଜପିବାକୁ ହେବ ପୁଂଜିବାଦ ଚିନ୍ତାଧାରା ପରିବର୍ତ୍ତେ
ପରିବର୍ତ୍ତନବାଦର ନୂଆ ମନ୍ତ୍ର
ଏକ ସଂଗ୍ରାମୀ ଆହ୍ୱାନ ଦରକାର ସୁପ୍ତ ମାନସରେ,
ସୃଷ୍ଟି କରିବାକୁ ସଚେତନତାର ସୂତ୍ର ।