କରୋନା
କରୋନା
ଝରକା ରେଲିଂ ଆରପଟେ,
କାନ୍ଥ ର ଅପର ପାର୍ଶ୍ୱ ରେ
ଏବେ ଗଢି ଉଠିଛି ଭିନ୍ନ ଏକ ପୃଥିବୀ..!
ଭିନ୍ନ ଏକ ଆକାଶ,
ଯେଉଁଠି ସହର ର ନିୟନ ଆଲୁଅ ଗୁଡାକ ରେ
ମିଶିଛି ଭୟ ମିଶା ଅନ୍ଧାର;
ବଦଳି ଯାଇଛି ସହର ର ସିଲହଟ
ରାତି ର ସଂଜ୍ଞା ଓ ତାରା ର ରଙ୍ଗ ||
ଛ ମାସ ବିତିଗଲାଣି...!
ଗୋଟିଏ ଜହ୍ନ ସହ,
ରାତି ପାହିବ କି ନା ତା ମଧ୍ୟ ସନ୍ଦେହ;
ପବନ ରେ ଭାସୁଛି ମଲା ଦେହ ର ଗନ୍ଧ
ଦିଗବଳୟ ରେ ଭାସୁଛି ଯୁଦ୍ଧ ର ବିଭୀଷିକା ||
ପ୍ରକୃତି ତା ଆଖି ରୁ କଳାପଟି ଖୋଲି
ଅସ୍ତ୍ର କରିଛି ଭୁତାଣୁ କୁ.,
ଗୃହବନ୍ଦୀ କରିଛି ଅହଂକାର ଔଦ୍ଧତ୍ୟ କୁ
ନିରବି ଯାଇଛି ନଈ ରାସ୍ତା ଓଭରବ୍ରିଜ
କେବଳ ନିଜ ଭିତରେ ଆର୍ତ୍ତଚିତ୍କାର
ନିଜ ପାରିଲା ପଣିଆ ଉପରେ ଧିକ୍କାର ||
ଜରି ପଲିଥିନ ରେ ଭର୍ତି
ଅନ୍ଧାର ରୁ ଫର୍ଦ୍ଧେ ଫର୍ଦ୍ଧେ ଲେଖା ଚିଠି
ଜୀବନ ଜଂଜାଳ ରୁ ମୁଠେ
ଦୂରତା ହିଁ ଏବେ ପାଖରେ ରହିବାର ଏକମାତ୍ର ଡାଳ
ଅଭିମାନ ରେ ଲୁଚିଛି ବାଦଲ
କେଉଁଠି ନା କେଉଁଠି ଲୁଚିଯାଇଛି
ଗରିବ ଓ ଧନୀ ର ପ୍ରତିଯୋଗିତା
ଜାରି ରହିଛି ହାହାକାର ର ଗୁଞ୍ଜନ
ଆତ୍ମୀୟ ଙ୍କୁ ହରେଇ;
କିନ୍ତୁ ଜାରି ରହିଛି ଆଲୁଅ ପାଇଁ ଅପେକ୍ଷା
ଏବେ ବି
ଝରକା ରେଲିଂ ଆରପଟେ ||