Library
ମୁଁ କିଏ
ମୁଁ କିଏ
1 min
194
ସଂପର୍କର ବୁଢିଆଣୀ ଜାଲରେ
ରାସାୟନିକ ସମୀକରଣ ଭିତରେ
ସ୍ଵାର୍ଥପରତା ର ଶିଙ୍କୁଳିରେ
ଛଳନା ଭରା ହୃଦୟରେ
ପ୍ରତି ମୁହୂର୍ତ୍ତରେ ପଚାରେ
ମୁଁ ତୁମର କିଏ ।
କାଚର ସ୍ୱପ୍ନ ଘର ଭିତରେ
ନିରାଶାର ନଈରେ
ଲୁହର ନୌକାରେ
ସମୟର ସ୍ରୋତରେ
ଅତୀତର ପୃଷ୍ଠା ରେ
ପ୍ରତି ମୁହୂର୍ତ୍ତରେ ପଚାରେ
ମୁଁ ତୁମର କିଏ ।
ମୋ ଭାବନାରେ
ପ୍ରତୀକ୍ଷାର ଦ୍ଵାରରେ
ସ୍ମୃତିର ବିଜନ ବେଳାରେ
ଅଭୁଲା ମୁହୂର୍ତ୍ତ ଭିତରେ
ସ୍ନେହବୋଳା ସ୍ପର୍ଶରେ
ପ୍ରତି ମୁହୂର୍ତ୍ତରେ ପଚାରେ
ମୁଁ ତୁମର କିଏ ।
ଅସହ୍ୟ ଅବ୍ୟକ୍ତ ବ୍ୟଥା ରେ
ବାର୍ତ୍ତାଳାପର ମିଠା କଥାରେ
ଆଖିଏ ସପନ ଭିତରେ
ଅସନ୍ତୋଷର ବହ୍ନିରେ
କର୍ତ୍ତବ୍ୟର ବସୀକରଣରେ
ପ୍ରତି ମୁହୂର୍ତ୍ତରେ ପଚାରେ
ମୁଁ ତୁମର କିଏ ।
