Library
ନିଧନ ସଙ୍ଖାଳି
ନିଧନ ସଙ୍ଖାଳି
ଘୋର କଳିକାଳ ରୀତି ଧରମ ସଙ୍କଟ
କୁଳ ବଂଶ ସଂସାରରେ ସମସ୍ୟା ଉତ୍କଟ ।
ଶୁଣ ବିଶିକେଶନ----
ପୁରାଣ ଶାସ୍ତ୍ର ପଣ୍ଡିତ ମଣିଷର ବୁଦ୍ଧି
ହୋଇଲାଣି ବାଟବଣା ପ୍ରଣବ ଅଶୁଦ୍ଧି ।
ଶୁଣ ବିଶିକେଶନ--
ଆତ୍ମସୁଖ ସର୍ବସ୍ୱ ସେ ବଡ଼ ଅହଙ୍କାରୀ
ସ୍ନେହ ପ୍ରେମ ମମତାକୁ ଦେଉଛି ପାଶୋରି ।
ଶୁଣ ବିଶିକେଶନ ---
ବୃଥା ମଣିଷ ଜନମ ମମତାର ବିନା
ସୁଖ କି ପାରିବ ଦେଇ ଖାଲି ଟଙ୍କା ସୁନା ।
ଶୁଣ ବିଶିକେଶନ----
ସଂସାରେ ବିଷୟ ସୁଖ ଅଟଇ ଅସାର
ବଢାଏ ଅଶାନ୍ତି ଦୁଃଖ ଦିଅଇ କେବଳ ।
ଶୁଣ ବିଶିକେଶନ---
ଭୁଲି ସିନା ଯାଉଅଛି ଭେଳିକିରେ ମନ
ପାର୍ଥିବ ପାଶ୍ଚାତ୍ୟ ଭୋଗ ସଙ୍କଟ କାରଣ ।
ଶୁଣ ବିଶିକେଶନ---
ଦେଖିଛି ଦୁଇ ନୟନେ ଶୁଣିଛି କର୍ଣରେ
ବତ୍ସା ଛାଡି ଗାଈଟିଏ ହମ୍ବା ରଡ଼ି ଛାଡ଼େ ।
ଶୁଣ ବିଶିକେଶନ---
ଖାଏ ନାହିଁ ଶୁଏ ନାହିଁ ଛାଡଇ ବୋବାଳି
ଖୋଜୁଥାଏ ତା ବାଛୁରୀ ନିଧନ ସଙ୍ଖାଳି ।
ଶୁଣ ବିଶିକେଶନ---
ଆମ ଖୁଣ୍ଟ ଗୁହାଳରେ ଘର ପରିବାରେ
ଗୁମୁରି କାନ୍ଦେ ଜୀବନ ଆତ୍ମାକୁ ଧିକ୍କାରେ ।
ଶୁଣ ବିଶିକେଶନ---
ବୃଦ୍ଧକାଳେ ପୁତ୍ର କନ୍ୟା ଅନ୍ଧର ଲଉଡି
ହୁଅନି ନିର୍ଦ୍ଦୟ ବାରେ ଏତିକି ଗୁହାରି ।
ଶୁଣ ବିଶିକେଶନ---
-------
