ନୀଳକଇଁ
ନୀଳକଇଁ
1 min
403
ନୀଳ ନିର୍ଜନର ନୀଳକଇଁ ମୁଁ
ନୀଳାକାଶେ ଅଛି ଚାହିଁ
ଅସରା ଅସରା ଅଶ୍ରୁରେ ଭିଜୁଛି
ଆଶ୍ରା ମୋର କେହି ନାହିଁ ।
ଝରା ବଉଳର ବାସ୍ନା ନାହିଁ ମୋର
ନୁହେଁ ମୁଁ କନକ ଚମ୍ପା
କଣ୍ଟି ଗଡ଼ିଆର ପଙ୍କରେ ଜନ୍ମ ମୋ
ବୄଥାରେ ଭାବି ବି କିମ୍ପା ।
ଅସ୍ତରାଗରେ ବ୍ୟସ୍ତ ହୁଏନି
ଅଙ୍ଗରାଗରେ ଶୂନ
ସେଇ ମୋ ସପନ ସେଇ ମୋ ଜୀବନ
ନୀଳ ଆକାଶର ଜହ୍ନ ।
ଆଶା ନାହିଁ ମୋର ବାଡୁଅ ପାଣିରେ
ଖଇ କଉଡିର ଖେଳ
ଜଳି ଯାଉ ମୋର ଜନ୍ମର ଜୁଇ
ପାପ ପୁଣ୍ୟର ବେଳ ।
ସମର୍ପି ଦେଇଛି ପରାଣ ପସରା
ସେ ମତେ ଦେଇଛି ହୃଦ
ଜ୍ୱଳନ ତିବ୍ରତା ଅସହ୍ୟ ନ ହେଉ
ମୁଁ ତାହାର ଜଉମୁଦ ।