ପାର୍ବଣ ଆସୁଛି

ଧରାବତରଣ କରୁଛି ପାର୍ବଣ

ଲାସ୍ୟମୟୀ କାଶ ହସେ

ଗୁଗ୍ଗୁଳ କର୍ପୁର ଚୁଆ ଚନ୍ଦନରେ

ଚଉଦିଗ ଆହା ବାସେ

ତଡ଼ାଗରେ ଖେଳେ କୁମୁଦ କୁମାରୀ

ଅମ୍ବରେ ବଉଦ ଭାଷେ 

ଧରାବତରଣ କରୁଛି ପାର୍ବଣ

ଲାସ୍ୟମୟୀ କାଶ ହସେ ll

ପଦୁଅଁ ମନ୍ଦାର ହୋଇ ଛନ ଛନ

ଅପେକ୍ଷାର ଅବିରତ

ମହକେ ଶେଫାଳୀ ସୁଗନ୍ଧ ବିଛୁରି

କରି ଆଗେ ମଥାନତ

ହଂସ ହଂସରାଳୀ ଆନନ୍ଦେ ପହଁରି

ଶରଦ ଚନ୍ଦ୍ର କି ଦିଶେ

ଧରାବତରଣ କରୁଛି ପାର୍ବଣ

ଲାସ୍ୟମୟୀ କାଶ ହସେ ll

ବୀର ବାଦ୍ୟ ବୀର କାହାଳୀ ଶୁଭୁଚି

ପଟହଃ ଗୁଜ୍ଜରୀ ଶୁଭେ

ଦାଉଣ୍ଡି ମର୍ଦ୍ଧଳ କଡ଼ା ବାଯୁଅଛି

ଚଉଦିଗ ଶୋଭେ ଶୋଭେ

ମୁକୁତା ବର୍ଷୁଛି ଝଲମଲ ହୋଇ

କାହା ଅପେକ୍ଷାର ଆସେ 

ଧରାବତରଣ କରୁଛି ପାର୍ବଣ

ଲାସ୍ୟମୟୀ କାଶ ହସେ ll