ସେଇ ଅଧୁରା ପ୍ରେମ
ସେଇ ଅଧୁରା ପ୍ରେମ
ଚାନ୍ଦ ଆଜି ଖୁବ ନିର୍ମଳ ଥିଲା,
ତା ଚମକ ଯେମିତି ମୋ ଖୁସିକୁ ଜଣାଉ ଥିଲା ।
ସ୍ମୃତିର କୋଉ କୋଣରେ ଯୌବନର ଦିନ ଭାସି ଉଠୁଥିଲା,
ନୂଆ ସମ୍ପର୍କର ମିଠା ମିଠା ଅନୁଭୂତି ସବୁ ମନେ ପଡୁଥିଲା ।
ତାର ମନଲୋଭା ଚେହେରା ଆଉ ଗାମ୍ଭିର୍ଯ୍ୟତା,
ସବୁଠୁ ଅଲଗା ସବୁଠୁ ଉପରେ ଲାଗୁଥିଲା ।
ସମସ୍ତଙ୍କ ଭଳି ମୋ ମନରେ ବି ଆବେଗ ଭରିଥିଲା,
ଅଜଣା ଏକ ଅନୁଭୁତିର ଆଭାସ ମିଳୁଥିଲା ।
ସିଏ ବୁଝି ନଉ ମୋ ମନ କଥା ହୃଦୟ କହୁଥିଲା,
ତାରି ସପନରେ କେତେ ରାତି ଅନିଦ୍ରା ଯାଉଥିଲା ।
ଦିନ ପରେ ଦିନ ମାସ ପରେ ମାସ ବିତି ଯାଇଥିଲା,
ମିଠା ଅନୁଭୂତି ଖାଲି ମନ ଭିତରେ ରହି ଯାଇଥିଲା ।
ଆଜି ଆକାଶ ମୋତେ ଚାହିଁ କହୁଥିଲା,
କାହା ଆଗମନକୁ ତୋର ଅପେକ୍ଷା ରହିଲା ।
କଣ କହିଥାନ୍ତି ଯେ ଆଜି ବି ତା ଆସିବା ବାଟକୁ ଚାହିଁ ରହିଥିଲା,
ସେଇ ଅଧୁରା ପ୍ରେମ ମୋତେ ଆଜି ସ୍ପର୍ଶ କରୁଥିଲା ।
ଚାନ୍ଦ ଆଜି ଶୀତଳ ଉଲ୍ଲାସ ଦେଉଥିଲା,
ହେଲେ ହୃଦୟର ନିଆଁ ହୁତୁ ହୁତୁ ଜଳୁଥିଲା,
ଆଉ ମୋ ମନ ମୋ ପ୍ରେମୀକୁ ହିଁ ଝୁରୁ ଥିଲା,
ପୁଣି ଆଜି ପ୍ରେମର ଅଧୁରା କାହାଣୀର ଝଲକ ଦିଶୁଥିଲା ।