ସମ୍ପର୍କ
ସମ୍ପର୍କ
ସମ୍ପର୍କ ଗଢିଛେ ଦୁଇଦିନ ପାଇଁ
କେତେ ସାଙ୍ଗ ସାଥି ମେଳେ
କେତେ ବେଳେ ରାତି ଯିବ ପାହିପାହି
ସମୟ ର ତାଳେ ତାଳେ
ସମୟ ସମ୍ପର୍କ ଦୁଇଜଣ ପରା
ଗୋଟିଏ ସରଳ ରେଖା
ଯେଉଁଠି ସମୟ ସେଇଠି ସମ୍ପର୍କ
ଶ୍ରଦ୍ଧା ସେନେହର ସଖା
କିଏ ବଡ଼ ଏଠି କିଏ ପୁଣି ସାନ
ଭାବ ବନ୍ଧନକୁ ନେଇ
ସମ୍ପର୍କ ସୁଅରେ ସଭିଏଁ ସମାନ
ସେନେହ ଶରଧା ଦେଇ
ସୁନେଲି ମନରେ ସୁନେଲି ସପନ
ସୁନେଲି ସମ୍ପର୍କ ଭାଷା
ହୃଦୟ ରେ ଗଢେ ଛୋଟ ଏକ ଘର
ନାହିଁ ସେଠି ରାଗ ରୁଷା
ସମ୍ପର୍କ ଜୁଆର ଭସାଇକି ନିଏ
ସଭିଙ୍କୁ ଏକାଠି କରି
ଭଟା ପଡିଗଲେ ମନ ମରିଯାଏ
ଏହିତ ସମ୍ପର୍କ ଡୋରି
ସମ୍ପର୍କ ଯେ ଏକ ଛୋଟ ବାଲିଘର
ମନବେଳା ଭୁୁମି ପରେ
ଧୋଇ ନେଇ ଯାଏ ଗୋଟିଏ ଲହଡି
ଟାଣ କଥା ପଦିଏରେ
ଭାବର ବନ୍ଧନ ଜାଣଇ କାଳିଆ
ସେ ସମ୍ପର୍କ ତୁଟେ ନାହିଁ
ଜନ୍ମ ଜନ୍ମାନ୍ତରେ ବନ୍ଧନ ତା ସାଥେ
ସିଏ ପରା ଭାବଗ୍ରାହୀ ।।