ସୁପ୍ତ ମାନସକୁ ଜାଗ୍ରତ କର
ସୁପ୍ତ ମାନସକୁ ଜାଗ୍ରତ କର
ଅଧିକାର ଓ କର୍ତ୍ତବ୍ୟ, ଦୁଇ ପଟ
ଅଟେ ଏକ ମୁଦ୍ରାର
ଗୋଟିଏର ଅଭାବରେ ଅନ୍ୟଟିର
ପରିକଳ୍ପନା ହୁଏ ତ ଅସାର ।
ମନ ମଧ୍ୟରୁ ଲିଭିଲେ ମଣିଷର
କର୍ତ୍ତବ୍ୟର ଭାବଧାରା
ଅଚିରେ ମଣିଷ ସମାଜ ହୁଏ ପରା
ବିଶୃଙ୍ଖଳଭରା ।
ସ୍ୱାର୍ଥ ତ ରହିବ, କିନ୍ତୁ ନିଜ ସ୍ୱାର୍ଥେ ପୁରା
ଅନ୍ଧ ନହେଲେ
ବିଶୁଦ୍ଧ ଭାବନାରେ କର୍ତ୍ତବ୍ୟ ନିଷ୍ଠାରେ
ସାହାଯ୍ୟର କାର୍ଯ୍ୟ କଲେ ।
ସାଧନା ଓ ବିଶୁଦ୍ଧ କଳ୍ପନାର କାର୍ଯ୍ୟ
ବିଅର୍ଥ ନହୁଏ କେବେ
ସେ ପଥେ ଯାଏ ଯିଏ, ସେ ସର୍ବଦା
ଯଶ ଧନ ମାନ ଲଭେ ।
ଦେଖ, କୃଷି କର୍ମରେ କୃଷକ ମଗ୍ନ
ହୋଇ କିପରି କାର୍ଯ୍ୟ କରେ
କର୍ତ୍ତବ୍ୟକୁ ଭାଂଗି ବଡ ବେପାରୀ ତା
ଶ୍ରମକୁ ଅଚିରେ ଚୋରି କରେ ।
ବୀର ମରେ ସିନା ରଣ ସ୍ଥଳରେ, ସେ
କେବେ ପଛ ଘୁଞ୍ଚା ଦିଏ ନାହିଁ
ଦେଖ କିପରି ନେତା କର୍ତ୍ତବ୍ୟକୁ ଭାଂଗି
ନିଜ ନାମ ଲେଖେ ତହିଁ ।
ଚାଲ ଅଗଷ୍ଟ ପନ୍ଦର ଦିନରେ ଆଲୋକ
ବର୍ତ୍ତିକା ପ୍ରଜ୍ଵଳିତ କରିବା
ରାଷ୍ଟ୍ର ହିତରେ କୁଣ୍ଠିତ ନହୋଇ କର୍ତ୍ତବ୍ୟ
ପରାୟଣ ପାଲଟିବା ।
ଶୃଙ୍ଖଳା ଆବଦ୍ଧେ ରୁଦ୍ଧିମନ୍ତ କରି ଯଦି
ନିସ୍ୱାର୍ଥର ବହ୍ନି ଜାଳିବା
ଉନ୍ନତର ଦେଶ ଗଢିଲେ ଯାଇ ଆମେ
ଅଧିକାର ହାସଲ କରିବା ।
ବିବେକ ସତ୍ୟ ନ୍ୟାୟର ଚେତନା ହେଉଛି
ପୂଣ୍ୟ କାର୍ଯ୍ୟ କର୍ତ୍ତବ୍ୟର
ସୁପ୍ତ ମାନସକୁ ଜାଗ୍ରତ କରିବା ଅଭିପ୍ରାୟ
ଅଟେ ଲେଖନୀ ମୁନର ।