ଟୋପାଏ ଆଶା
ଟୋପାଏ ଆଶା
ଯୋଗୀ ଗାଇଥାଏ ଜୀବନର ଗୀତ
କେନ୍ଦେରା ର ସୁରେ ସୁରେ
ମୋ ଜୀବନ ଗୀତ ଏମିତି ବେସୁରା
ଛନ୍ଦି ଛାନ୍ଦୀ ଖାଲି ହୁଏ ।
ତୁମ ଜୀବନରେ ମଳୟ ବହୁଛି
ବସନ୍ତ ଆସିବା ପରେ
ଆଖି ପତା ମୋର ନିଇତି ଭିଜୁଛି
ଅଦିନିଆ ବରଷାରେ ।
ଝରା ଶେଫାଳି ତ ଝରି ପଡ଼ିଥାଏ
ରାତ୍ରି ର ଅନ୍ଧକାରେ
ମୋ ଜୀବନ ଆଜି ଶେଫାଳିଠୁ ହୀନ
ଝରେ ପ୍ରତି ମୁହୂର୍ତ୍ତରେ ।
ଜୀବନରେ ମୋର ବିଞ୍ଚିଦେଲ କାହିଁ
ପ୍ରେମ କୃଷ୍ଣଚୂଡ଼ା ଫୁଲ
କୃଷ୍ଣଚୂଡ଼ା ଆଜି ପଳାଶ ସାଜିଛି
ବଂଚିବା ର ନାହିଁ ମୂଲ ।
ତୁମେ ଗଲାପରେ ଜୀବନ ର ରାସ୍ତା
କଣ୍ଟାରେ ଯାଇଛି ଭରି
ମୁଠାଏ ଜୀବନ ଯିଇବାକୁ ହେବ
ଦୁଃଖ କୁ ନିଜର କରି ।