अग्नी
अग्नी
अग्नी दाहक ना फक्त
अग्नी नसे जीवघेणा
उर्जा अंगी भयंकर
स्पर्श पोळतो वेदना
अग्नी देतसे ऊबही
जीवघेण्या थंडीमधे
नसे हिटर घरात
जाळ शेकोटीचा पुरे
कसा आदिमानवांनी
शोध अग्नीचा लावला
अन्न शिजवण्यासाठी
यत्ने वापरही केला
अग्नी लागे यज्ञासाठी
त्याच्या साक्षी लग्नगाठी
लाजाहोम विवाहासी
अग्नी लागे कार्यासाठी
जीर्ण पर्ण नि पाचोळा
असे टाकून देण्याला
अग्नी करीतो भक्षण
स्वच्छ ठेवी वसुधेला
बहुविध उपयोगी
ऋषीमुनी यज्ञयागी
नसे फक्त दाहकचि
अग्नी बहुउपयोगी