ଜୟ ମା ସରସ୍ବତୀ

ଗର୍ବ ଗଞ୍ଜନୀ, ତୁମେ ମା ସରସ୍ବତୀ 

ରଖ ସଦା କୃପା, ମା ଉତ୍କଳ ଭାରତୀ।

ଜ୍ଞାନାଲୋକ ଝରେ ତୁମ ଶକ୍ତି ବଳେ

ସଂସାର ପଙ୍କରେ କମଳ ଫୁଟି ଖେଳେ ।

ମାଘ ମାସ ଶୁକ୍ଳ ପକ୍ଷ ପଞ୍ଚମୀରେ ପାଉ ପୂଜା

ତୋ ଶକ୍ତିରେ ମୂର୍ଖ ବି ଉଡାଏ ପଣ୍ଡିତର ଧ୍ବଜା ।

ତୁହି ମା ବିଦ୍ୟାଦାୟିନୀ ମରାଳବାହିନୀ, 

ଭଗବତୀ, ଶାରଦା ଓ ବୀଣାପାଣି ।

ହେ ମାଆ ବାଗେଶ୍ୱରୀ ବିଦ୍ୟାର ଇଶ୍ଵରୀ

ହେ ମାଆ ସରସ୍ୱତୀ ବିଦ୍ୟା, ବୁଦ୍ଧି ଦିଅ ଭରି ।

ହେ ମାଆ, ଶ୍ୱେତାମ୍ବରୀ କରେ ଆବାହାନ

ତମସାକୁ ଦୂର କରି ମା ଦତ୍ତ କର ମୋତେ ଜ୍ଞାନ ।

ମା ଜ୍ଞାନଦାତ୍ରୀ ଜଗଦ୍ଧାତ୍ରୀ ସିଦ୍ଧିଦାତ୍ରୀ 

ଅଜ୍ଞାନୀ ମୁଢ ମୁଁ ତୁମକୁ କରୁଛି ପ୍ରଣତି।

ହେ ବିଦ୍ୟା, ବୁଦ୍ଧି, ଜ୍ଞାନ ପ୍ରଦାୟିନୀ

ଏ ଜ୍ଞାନହୀନକୁ ଜ୍ଞାନେ କର ମଣ୍ଡଣୀ ।

ପାଦ ପଦ୍ମେ ଏ ମୂଢ କରେ ନିବେଦନ

ତୁମ ଉପରେ ଲେଖିବାକୁ ନାହିଁ ମୋର ଜ୍ଞାନ ।