ମୋ ଗାଁ ମୋ ସଂସ୍କୃତି
ମୋ ଗାଁ ମୋ ସଂସ୍କୃତି
ବିଶ୍ୱରେ ପ୍ରସିଦ୍ଧ ମୋ ଭାରତ ବର୍ଷ
ଏଇଠି ଜନମ ମୋର l
ଭାରତ ମଧ୍ୟରେ ପ୍ରସିଦ୍ଧି ଲଭିଛି
ମୋ ଗାଆଁ ଖଣ୍ଡିତର ll1
ଏଇଠି ରହିଛି ଭାରତେ ବିଖ୍ୟାତ
"କବାଡି" ଅନ୍ତୁଡ଼ିଶାଳ l
ଇଷ୍ଟଦେବୀ ଆମ "ମା'ଘାଟମଙ୍ଗଳା"
କରନ୍ତି ସର୍ବ ମଙ୍ଗଳ ll2
ଖରସ୍ରୋତା ନଦୀ ପଶ୍ଚିମ ଉତ୍ତରେ
ବେଢ଼ି ପୂର୍ବେ ପ୍ରବାହିତ l
ସେହି ନଦୀକୂଳେ ମା ଘାଟମଙ୍ଗଳା
ଯଜ୍ଞେଶ୍ୱର ବିରାଜିତ ll3
ହର୍ତ୍ତାଶୁଣି ଦେବୀ ମାଆ ଜାଗୁଳାଇ
ବାଗେଶ୍ୱର ବାଗେଶ୍ୱରୀ l
ମଦନମୋହନ ଶ୍ରୀରାଧାଗୋବିନ୍ଦ
ଗଡ଼ଗଡ଼େଶ୍ୱର-ଶ୍ୱରୀ ll4
ଦକ୍ଷିଣ ଦିଗରେ ଶ୍ରୀ ଉତ୍ତରେଶ୍ୱର
ପଶ୍ଚିମରେ ବ୍ରହ୍ମେଶ୍ୱର l
ମଧ୍ୟଭାଗେ ଛନ୍ତି ମା ଜଞ୍ଜାଳିଦେବୀ
ହନୁମାନ ଶନିଶ୍ଚର ll5
ଶ୍ରୀରାଧାଗୋବିନ୍ଦ ଉ. ପ୍ରା. ବିଦ୍ୟାଳୟ
କମ୍ପୁଟର ଶିକ୍ଷାଳୟ l
ଖଣ୍ଡିତର ଗ୍ରାମ ସରକାରୀ ଉଚ୍ଚ
ଇଂରାଜୀର ବିଦ୍ୟାଳୟ ll6
ବରଷକେ ଥରେ "ରଜ" ଉତ୍ସବରେ
ସାରା ଭାରତବର୍ଷରୁ l
ମହିଳା ପୁରୁଷ ପାଞ୍ଚ ଦିବାରାତ୍ର
କବାଡି ଖେଳ ସୁଚାରୁ ll7
ଐତିହ୍ୟ ସମ୍ପନ୍ନ ସର୍ବପୁରାତନ
ଖଣ୍ଡିତରର "ମିଳନ" l
ଦୁର୍ଗା, ବନଦୁର୍ଗା, ଗଜଲକ୍ଷ୍ମୀ କାଳୀ
ଗଣେଶଙ୍କର ପୂଜନ ll8
ବୀଣାପାଣି ପୂଜା ଶ୍ରୀଶିବ ଜାଗର
ବିଶ୍ୱକର୍ମା ଆଦି କେତେ l
ମଙ୍ଗଳାଙ୍କ ଯଜ୍ଞ ବଡଦିନ ଆଉ
ନୂଆବର୍ଷ ଆଦି ଯେତେ ll9
ସବୁ ପାଟକର ଲୋକେଛନ୍ତି ଏଠି
ଖ୍ରୀଷ୍ଟିଆନ ଭାଇଚାରା l
ବିଶାଳ ମୋ ଗାଆଁ ସଂସ୍କୃତି ସମ୍ପନ୍ନ
ବିଖ୍ୟାତ ଅଟେ ତା ନାଁ ll10
ଯଯାତିକେଶରୀ ସମୟରୁଛନ୍ତି
ମାଆ ମୋ ଘାଟମଙ୍ଗଳା l
ଷୋଡଶ ଶତାବ୍ଦୀ ସଦାବ୍ରତ ମଠ
କୃଷି ବାଣିଜ୍ୟେ ଚଞ୍ଚଳା ll11
ଏ ଗାଆଁ ମାଟିରେ ଜନମି ଅଛନ୍ତି
କେତେ ଯେ ମହାପୁରୁଷ l
ଗୀତରେ ଲେଖିବା ସମ୍ଭବ ନୁହଁଇ
ଅଳ୍ପରେ ବୁଝ ବିଶେଷ ll12