అతనిరాక కోసం !

మనసున్నవాడు కాబోయే పతిదేవుడు ;

రోజూ ఆనందమే ముఖంలో చూస్తాడు .

కన్నవారి అభిమతమంటే చాలా గౌరవం ;

సింధూరం దిద్దుటకు వస్తాడు నాకోసం .

అభిరుచి  పట్టువస్త్రాలను  ధరించటం ,

పూలతో అలంకరింపజేయుట ప్రియం ;

వజ్రవైఢూర్యాలనే బహూకరించే గుణం .

చదువుసంధ్యలలో ఒక ఉన్నత శిఖరం ;

తెలివితేటలు బాల్యం నుంచీ గొప్ప వరం .

ఎప్పుడు పలికినా మధురమైన మాటలే ;

జీవితానికి ఆభరణం ఆత్మీయతాభావమే .

చూపులకు చక్కనైన రూపము కలవాడు ;

నిజంగా ముద్దొచ్చే నిండు చందురుడు ,

కళ్ళముందే మెదలి నన్ను మురిపిస్తాడు .

ముచ్చటైన పదాలతో లేఖలు వ్రాస్తాడు ;

ప్రేమను అక్షరాలుగా మలచి కురిపిస్తాడు .

రెక్కలగుర్రంపై మేఘాలలో వినోదవిహారం ;

తోడుగా నిలిచి దారిని చూపే స్వభావం .

నాకోసం వస్తాడు నను వలచిన నావాడు ;

తన హృదయరాణిగా స్వీకరించువాడు .

*** # *** # ***