చెప్పవా చిన్నమాట...
చెప్పవా చిన్నమాట...
నువ్విష్టపడే నీలి సముద్రం ఒడ్డున
నీలాకాశం లో అస్తమిస్తున్న సూర్యుడు
నాకు నిన్నిచ్చేసి జాగ్రత్త అంటూ చెప్తూ ఉంటే
సముద్రపుటొడ్డున గుప్పెళ్లతో ఇసుకను తీసి ఆడుకుంటున్న నువ్వు, లోకాన్నే మరిచిపోయి ఆరాధనగా నిన్ను చూస్తూ, గాలికెగురుతున్న నీ ముంగురులను సవరించుదామని అనుకుంటే, సిగ్గుతో ముడుచుకుపోయావు
ఈసముద్రం మనిద్దరినీ మరింత దగ్గర చేసిందని నేనంటే, నవ్వేసి ఊరుకున్నావు
నీ కన్నుల్లో కాంతిరేఖలు చెప్తున్నాయి నేను చెప్పింది నిజమే అని,
ఇంతకీ నన్నిప్పుడేం చేయమంటావ్!!
నీ కన్నుల్లో కాంతి రేఖలను తదేకంగా చూడమంటావా,
గాలికి ఎగురుతూ నీ మొహం మీద నర్తించే ముంగురులను చూస్తూ కవితలు రాయమంటావా!!
నీ నుండి వీచే చిరుగాలులు రహస్యంగా చెప్పే
నీ హృదయాంతర భావాలను వింటూ పరవశించమంటావా....