ఇంకా రాలేదు !
ఇంకా రాలేదు !
నా ప్రియుడు ఇంకా ఇంటికి రాలేదు .
వస్తే రాగానే నాకేసే గూటిలోని పక్షిలా చూస్తాడు .
తనదృష్టిని నామీదకు సారించి
ప్రేమగా క్షేమసమాచారాలు ఆరా తీస్తాడు .
ముఖంలో జాబిలి కనిపిస్తే
హాయిగా నిట్టూర్పును కనబరుస్తాడు .
ఓల్టేజ్ తగ్గిన బల్బులా డిమ్ముగా కనిపిస్తే
ఏమైందేమైందని కలవరపడుతూ
మెసేజ్ వెంట మెసెజ్ తెగ పెడతాడు .
ఆ ఆరాటం చూసీచూడగానే
నా అలక చిటికెలో పైకెగిరిపోతుంది .
ఎప్పుడూ ఎదురుగా కనిపిస్తూ ఉంటే
చెప్పలేనంత ఆనందంగా ఉంటుంది .
సముద్రతీరంలో సాయంసమయంలో
చల్లగాలిలో చాలాసేపు విహరించాలని ,
నదిలో సరసన పడవలో కూర్చుని
హుషారుగా షికారు చేయాలని .
విమానంలో మేఘాలమధ్య నుంచి
వెళ్ళి ప్రపంచాన్ని తీరిగ్గా చుట్టిరావాలని ,
ప్రతినిమిషం ఏకాంతంలో గడపాలని .
నాకోసం పరితపించే నా రాజాది
సుకుమార సుమనోహర సుందర రూపం .
వానిప్రేమ చూడగానే మనసివ్వాలని
అనిపించేంత అపురూపం .