भोजपुरी चइता लोक गीत ॰5 –होखेल
भोजपुरी चइता लोक गीत ॰5 –होखेल
होखेला हर हिया हरसिया ये रामा
चइत मासे
अमवा पोदीनवा के बनेला चटनिया ये रामा
चइत मासे
माघ फागुन से ऊपर चइत रसदार होला
बहे जब पवन पुरवईया बड़ा मजेदार होला
खेते- खेते, गांवे- गांवे होखेला कटनिया ये रामा
चइत मासे
सजनी के साजन बिना चैन न आवेला
मिले खातिर साजन हिया याद उभर आवेला
खरीहनवा मे मिली करे सब ओसनिया ये रामा
चइत मासे
दिनवा मे घाम रतिया खूब गर्मी सतावेले
बेनिया डोलावे गोरी पिया नींदिया न आवेला
उठेला पोर- पोर दरदिया बदनिया ये रामा
चइत मासे