भोजपुरी छठ गीत - २; करब छठी के
भोजपुरी छठ गीत - २; करब छठी के
आवा आवा ये सइयाँ करब छठी के बरतीया|
डुबत–उगत देईब हम सुरूज़ के अरघिया|
आवा आवा ये सइयाँ करब छठी के बरतीया|
सुपओ न मिले सइया केरओ न मिलेला|
कईसे हम बनाइब ठेकुआ गेहुओ न सूखेला|
आके जल्दी छठी माई सजावा मोर परतिया|
आवा आवा ये सइयाँ करब छठी के बरतीया|
नारियल अउर केरा माई के सुपआ सजाइब|
देईब हम अरघिया आदित्यदेव पोखरा खनाइब|
संगवा चलिहा सईया सिरवा धईके दउरिया|
आवा आवा ये सइयाँ करब छठी के बरतीया|
नहाय खाय के मनाइब हम छठी मईया|
खियाइब प्रसाद गउआ सेवा करब मोर अइया|
पूरा करीहे मनसा माई बालक खेलिहे दुअरिया|
आवा आवा ये सइयाँ करब छठी के बरतीया|
उगा ये आदित्यदेव लेईके अरघिया भरा मोर अँचरा|
सुख शांति दिहा सबके माई इहे बाटे मोर असरा|
राजधानी धईके आवा हाली देखि तोर सुरतिया|
आवा आवा ये सइयाँ करब छठी के बरतीया|