भोजपुरी होली गीत – पीयवा माना
भोजपुरी होली गीत – पीयवा माना
होलिया मे नाही खेलब तोहसे अबिरिया हो
पियवा माना तनी मोर बचनिया
बारहों बरिस पर सइया घरवा तू आईला
संगवा ले अइला तू सौतिनिया हो
पियवा माना तनी मोर बचनिया
सोरहो सिंगार संइया खातिर तोहरे सजवली
ले अइला ना तुम हमके नथुनीया हो
पियवा माना तनी मोर बचनिया
बड़ा रे गुमान रहे तू बाड़ा मोर सईया
तोड़ दीहला तू हमरो गुमनिया हो
पियवा माना तनी मोर बचनिया
सुघर तिरिया कहाली हम गाँव नगरिया
बिगाड़ दिहला तू आपन चलनिया हो
पियवा माना तनी मोर बचनिया
आवे जब जब सइया फागुन के महीनवा
रहिया जोहत हम हो गईली नटिनिया हो
पियवा माना तनी मोर बचनिया
हम नाही जनली सइया तू दगा देई देबा
होलिया मे डसे हमके सउतन नगीनीया हो
पियवा माना तनी मोर बचनिया