અભિનય પણ
અભિનય પણ
દુઃખોના ડુંગરા પળમાં હરાવે આ અભિનય પણ;
ને સુખનાં આગણે આવી રડાવે આ અભિનય પણ.
ભણેલા હો ! ઘણું તો પણ, જડે ના કોઈ પુસ્તકમાં;
જીવનમાં પાઠ કંઇ એવા ભણાવે આ અભિનય પણ.
સૂરજ મધ્યે તપે જ્યારે પછી તો સાબદા રહેજો;
અહીં ધોળે દિવસ તારા બતાવે આ અભિનય પણ.
ભલે ધનથી, ભલે પદથી, ભલે હો ! જ્ઞાનથી અક્કડ;
વખત આવે અહીં સૌને નમાવે આ અભિનય પણ.
લલાટે આમ તો, ડૂબી જવાનું છે લખ્યું કિન્તુ;
નવાઈ છે કે, જગત પથ્થર તરાવે આ અભિનય પણ.