પુસ્તકની પાંખો

લઈ લેજો તારી પાસમાં,

મને ખારો લાગ્યો આ સંસાર રે,

જીવન-મરણ હવે તારા છે હાથમાં,

હવે કરજોને મારી વ્હાર રે,

અકળામણનો અંત ના આવે,

જોઈ એ મન મારું મૂંઝાય રે,

ચારે બાજુએથી આગ છે લાગી ને,

તેમાં મારું દિલડું દાઝી જાય રે,

પહેલું અને છેલ્લું તને કહી દીધું,

આ તારે હૈયે લખીને રાખજે રે,

સાથી મારી તું છે સાચી, 

સઘળું હૈયામાં સાચવજે રે,

જાણું છું આ પુસ્તકની પાંખો

ના કોઈ દિ થાશે રે,

ને કોઈને એ કહેવા ન જાશે રે,

હૈયાની આ વાત છે મારી, 

માત્ર આ પુસ્તકના હૈયે રહેશે રે.