લાગણીઓ
લાગણીઓ
મનનાં ભંડાકિયામાં કંઈક કેટલું પડ્યું છે ધરબાઈને,
મનનાં ખૂણે ખાંચરે પડ્યા છે ઢગલાઓ લાગણીના,
કોઈક કરમાયેલી તો વળી કોઈક લીલીછમ પડી છે,
પડે જો છાંટો પ્રણયનો એકાદ ત્વરિત થાય જીવંત;
લાગણીઓના લબાચાનો કાટમાળ લઈને ફરું છું,
સ્પંદનો જગાવવાની ચૂકતા ક્ષણ ઊભી થઈ મુશ્કેલી,
શોધું કરમાયેલા કાટમાળમાંથી સંજીવની પેદા કરવાનું,
કરમાયેલા ફૂલો કરે કરામત સંવાદ કરે જો નિજાનંદ સાથે,
ઈચ્છાઓનું થવું બાષ્પીભવન કરે અંતરમનને વેરાન,
પૂરી થાય માંગણીઓથી પ્રતિચ્છાયા લાગણીઓની !