મળ્યા છે
મળ્યા છે
1 min
220
હરખ - ખુશીનાં પ્રસંગ માત્ર બે - ચાર મળ્યા છે,
મુજ આંગણે સતત આંસુનાં તહેવાર મળ્યા છે,
આવી લાગણીની વાછટો ને તરસ બમણી બની,
એ પછી સતત પીડાઓનાં ધોધમાર પૂર મળ્યા છે,
ઊગ્યા'તા પીળા ફૂલો, એ ય ક્ષણભંગુર નીકળ્યા,
જીવનની કેડીએ સતત કાંટાળા ખાર મળ્યા છે,
હપ્તે-હપ્તે નીરખ્યા છે મે ઈચ્છાઓ - અરમાનો,
સાકાર થયાં જે સ્વપ્નો એ પણ ઉધાર મળ્યાં છે,
પાંચેક વર્ષોથી સારવાર ચાલી છે ઘવાતી 'નેહ'ની,
મળ્યા'તા જે સગપણ એ પણ બીમાર મળ્યા છે.