કાગળ કલમ ને મેજ

કાગળ કલમ ને મેજ છે એથી વધુ શું જોઈએ ?

શાહીમાં લાગણીનો ભેજ છે એથી વધુ શું જોઈએ ?

સાંજ પડે ને આથમે સૂરજ ક્ષિતિજ પરથી,

અંધારે આગિયાનું તેજ છે એથી વધુ શું જોઈએ ?

કાજળ, સુરમો, ઝાંઝર મે ક્યાં દીઠા છે કદી !

સૌંદર્ય સજે તુજ સિંદૂરથી એથી વધુ શું જોઈએ?

લાલ ગુલાબની લાલિમાની તારીફ શું કરું !

તુજ પ્રેમનો રંગ ખીલી ઉઠે એથી વધુ શું જોઈએ ?

પડખા સતત ઘસવા પડે ઊંઘની ઘટમાળમાં,

યાદો જ ભીની સેજ બને એથી વધુ શું જોઈએ ?

એ જીવનભર અળગી રહી વર્ષો પછી મળી,

ઓ રે હસી તુ એ જ છે એથી વધુ શું જોઈએ ?