પ્રેમનો અનાદર
પ્રેમનો અનાદર
પ્રેમ મારો છે નિર્મળ ઝરણું,
તેને નજરઅંદાજ ન કરો,
તમારા પ્રેમમાં દિલ ધડકે છે,
તેને દિલમાં તમે ઝાંખ્યા કરો,
ન ફેરવો મુખ જોઈને મુજને,
તમારા પ્રેમનો હું તરસ્યો છું,
નજરથી નજર મેળવો વાલમ,
હવે નફરત મુજને તમે ન કરો,
ન રહો તમે કદી દૂર મારાથી,
હું સપનામાં તમને નિરખું છું,
મારી સમીપ આવી બેસો વાલમ,
મારો અનાદર કદી તમે ન કરો,
ખીલેલી સાવનની મધુર ઘટામાં,
તમારા મિલન માટે હું તડપું છું,
શ્ચાસોની સરગમ વહાવો વાલમ,
મુજને વિરહમાં ડૂબાડ્યા ન કરો,
બહું થયું હવે છોડી દો નફરત,
તમને દિલમાં વસાવવા ઈચ્છું છું,
પ્રેમનો તંતુ જોડો મુજ સંગ "મુરલી",
મારૂં એકલાપણું હવે તમે દૂર કરો.