પ્રેમનું વાવેતર

એક જોડાણ સ્નેહનું મુજમાં,

ઉષ્માસભર પ્રેમનું જ વાવેતર,

નવતરને લાખેણા છે સ્પંદનો,

બસ વસી જાય તું મારાં દિલમાં !

એકજ નામ રટાતુ મુજ મનમાં ,

બસ રોપાઈ જાય નાનું અંકુર,

ખુશનસીબ માનું છું આજ તો,

બસ વસી જાય તું મારાં દિલમાં !

ટકરાશે અહમને ઘણાં પડકારો,

લાગણીને નડશે વિરહનો માર,

મારા હાથને મળે કોઈ સાથ તો,

બસ વસી જાય તું મારાં દિલમાં !

જોઈએ છે હવે બસ હાશકારો,

તારાં સાથે રહેવાનો મિજાજ,

સ્પર્શની સુગંધ પ્રસરે રોમેરોમમાં,

બસ વસી જાય તું મારાં દિલમાં !