સમજો તો સારું
સમજો તો સારું
હાલ કાંઈક એવા ' હાલ ' છે,
બહાર ઘણી શાંતિને અંદર ધમાલ છે,
પરોવાયેલું આ મન બેહાલ છે,
ઉપરથી આ સૌની મુજ પર રાખેલી આશાઓ કમાલ છે,
સમજો તો સારું ! આ બંદા અત્યારે બદહાલ છે,
કરવું છે સૌનું ય કામ અહીં,
સમય બધાંને ન આપી શકવાની મોટી બબાલ છે,
ભાવ મનથી તો ઘણો સારો છે,
કોઈ સમજી નથી શકતું મને આજકાલ એની જ મોંકાણ છે,
સમજો તો સારું ! આ બંદા અત્યારે બદહાલ છે,
કોઈ ત્યાં બેસીને મૂલવે છે મને,
ક્યાંથી જાણે એ, કે અહીં મારે ય કેવી ધમાલ છે,
ને, ઘણી વાર ખૂટે છે છતાં,
મ્હેણાં મારનાર સમજે એવું કે મારે તો સમયની ય ખાણ છે,
સમજો તો સારું ! આ બંદા અત્યારે બદહાલ છે,
અપેક્ષાઓના ય કેવા જુઓને ભાર છે !
મેળવી ના શકવાના અફસોસની જ એમની ચાલ છે,
ખબર છે,, ઓરતા પૂરા તો હું જ કરીશ,
તો ય પાછા જુઓને ! એમની નજરો મારા માટે 'લાલ' છે,
સમજો તો સારું ! આ બંદા અત્યારે બદહાલ છે,
એક જ સમયે ક્યાંથી પ્રકટ રહુ બધે !
જાણે ! સૌ સઘળે રાખતા મારા ઉપર જ આધાર છે,
એ તો હતો મુરલીધારી પોતે કિરતાર,
રમતાં રાસ ગોકુળે, દીસે જાણે દરેક ગોપીની તે પાસ છે !
સમજો તો સારું ! આ બંદા અત્યારે બદહાલ છે.