સ્વભાવ છે મારો
સ્વભાવ છે મારો
સ્વભાવ છે મારો, બસ મને ગમતાં રહેવાનો,
અને, જે ગમે એનો, ગુલાલ કરવાનો !
ગમતાં રસ્તે ચાલતાં રહેવાનો,
અને, મળે જો સરીખાં, અપનાવતાં રહેવાનો !
સ્વભાવ છે મારો...
ખુદનો જ ખભો, જાતે થાબડવાનો,
અને, ન કોઈની આશ, દિલથી રાખવાનો !
ઘેંટાઓનાં ટોળાંથી, દૂર રહેવાનો,
અને, નવો એક ચીલો, જાતે ચાતરવાનો !
સ્વભાવ છે મારો...
ખોટી ખુશામતથી, ન ફૂલાઈ જવાનો,
અને, નથી આપવડાઈમાં અટવાઈ જવાનો !
“ચાહત” નાં જોરે, કલમથી લખવાનો,
અને, શબ્દોની મદદથી, દિલો સુધી પહોંચવાનો !
સ્વભાવ છે મારો, બસ મને ગમતાં રહેવાનો....