ದೇವಿ ಮಹಾತ್ಮೆ

ನಮಿಸೋಣ ಬನ್ನಿ ದೇವಿಯ ಚರಣಕೆ 

ನವರಾತ್ರಿ ದಿನಗಳ ಮುದದ ಅನುಗ್ರಹಕೆ! 

ಪಾಡ್ಯದ ದಿನದಿ ನಾಂದಿ ಹಾಡುವ 

ದಕ್ಷ ಯಜ್ಞ ಸೇರಿದ ಶೈಲ ಪುತ್ರಿಗೆ/

ಬಿದಿಗೆ ದಿನದಿ ಗೈಯ್ಯುತ ತಪವ 

ಕನ್ಯೆಯಾಗಿ ಕಂಗೊಳಿಪ ಬ್ರಹ್ಮಚಾರಿಣಿಗೆ/

ತದಿಗೆ ದಿನದಿ ಶೌರ್ಯ ಮೆರೆವ 

ಶೃಂಗಾರ ಪ್ರತೀಕ ಚಂದ್ರಘಂಟಾ ದೇವಿಗೆ/

ಚೌತಿಯ ದಿನದಿ ಸೌಂದರ್ಯ ತೋರುವ 

ಕ್ಷುದ್ರ ಶಕ್ತಿ ನಿವಾರಕಿ ಕೂಷ್ಮಾಂಡ ದೇವಿಗೆ/

ಪಂಚಮಿ ದಿನದಿ ಮಾತೃ ರೂಪವ 

ಹೊತ್ತಂತಹ ತ್ರಿನೇತ್ರಿ ಸ್ಕಂದ ಮಾತೆಗೆ/

ಷಷ್ಟಿಯ ದಿನದಿ ಜಗವನು ಪೊರೆವ 

ಅಷ್ಟ ಆಯುಧ ಹಿಡಿದ ಕಾತ್ಯಾಯಿನಿಗೆ/

ಸಪ್ತಮಿ ದಿನದಿ ಕಾಲರೂಪ ತಳೆವ 

ಶುಭಂಕರಿ ಶುಭಫಲದಾಯಿ ಕಾಳರಾತ್ರಿಗೆ/

ಅಷ್ಟಮಿ ದಿನದಿ ಇಷ್ಟಾರ್ಥ ಸಿದ್ಧಿಸುವ 

ಅನ್ನಪೂರ್ಣೇಶ್ವರಿ ಪ್ರತೀಕ ಮಹಾಗೌರಿಗೆ/

ನವಮಿ ದಿನದಿ ಸಿಂಹಿಣಿಯಾಗುವ 

ಸಿದ್ದಿಯ ಕೊಡುವ ತಾಯಿ ಸಿದ್ದಿಧಾತ್ರಿಗೆ/