ನಿಸ್ವಾರ್ಥ ಸೇವಕ
ನಿಸ್ವಾರ್ಥ ಸೇವಕ
ಜಾತಿ ಧರ್ಮ ನೋಡಲಿಲ್ಲ
ಬಡವ ಧನಿಕ ಎನ್ನಲಿಲ್ಲ
ಬುದ್ಧಿಯನ್ನು ಅಳೆಯಲಿಲ್ಲ
ದಡ್ಡರೆಂದು ಅವಮಾನಿಸಲಿಲ್ಲ
ಯಾಕೆಂದರೆ ಶಿಕ್ಷಕರು ದಾರಿದೀಪ
ಹಣದ ದಾಹ ಇವರಿಗಿಲ್ಲ
ಸಂಬಳಕ್ಕಾಗಿ ದುಡಿದವರಲ್ಲ
ಸ್ವಾರ್ಥದ ಸೇವೆ ಮಾಡುವರಲ್ಲ
ಕಾಟಾಚಾರಕ್ಕೆ ಕಲಿಸಿದವರಲ್ಲ
ಯಾಕೆಂದರೆ ಶಿಕ್ಷಕರು ದಾರಿದೀಪ
ಸಹನೆಯ ಕಳೆದುಕೊಂಡವರಲ್ಲ
ಕ್ರೋಧಗೊಂಡೆಂದೂ ಬೈದವರಲ್ಲ
ದುರಂಕಾರದಲ್ಲಿ ವರ್ತಿಸಿದವರಲ್ಲ
ದ್ವೇಷವನ್ನೆಂದು ಸಾಧಿಸಿದವರಲ್ಲ
ಯಾಕೆಂದರೆ ಶಿಕ್ಷಕರು ದಾರಿದೀಪ
ನೂರು ನೋವು ತೋರ್ಪಡಿಸಲಿಲ್ಲ
ನಲಿವನು ಹಂಚಿ ಸಂಭ್ರಮಿಸಿಹರಲ್ಲ
ಮಕ್ಕಳ ಕನಸಿಗೆ ರೆಕ್ಕೆಯ ಕಟ್ಟಿಹರಲ್ಲ
ಭರವಸೆಯಿಂದ ಗುರಿಯ ನೆಟ್ಟಿಹರಲ್ಲ
ಯಾಕೆಂದರೆ ಶಿಕ್ಷಕರು ದಾರಿದೀಪ