ಸಹಜ
ಸಹಜ
ಬಯಸಿದ ಹಾಗೆ ನಡೆಯುವುದಿಲ್ಲ ಬದುಕಿನ ಗಡಿಯಾರ
ಬದಲಿಸುವೆ ಎಂದರೆ ಬಿಡನು ಕೀಲಿಯ ಸರದಾರ |
ತಿಳಿದವನು ನಾನೆಂದು ನಡೆಯುವುದು ಸಹಜ
ಅರಿತವನು ಯಾರೆಂದು ತಿಳಿದವನೆ ಮನುಜ
ನನಗಿಂತ ಮಿಗಿಲಿಲ್ಲ ಎನ್ನುತ ಬೀಗಿದರೆ
ಕಣ್ಣಿಗೆ ಬಿದ್ದ ಧೂಳಿನ ಕಣವು ಕೊಡದೇನು ತೊಂದರೆ
ಕೋಟಿ ಕೋಟಿ ಇದ್ದರೇನು
ಬಾಧೆಯ ಪಡಬೇಕು
ಏನೇ ಬಂದರೂ ಚಿಕ್ಕದು ದೊಡ್ಡದು
ಎಂಬುದ ಬಿಡಬೇಕು ||
ಜೀವನದ ಪ್ರತಿಕ್ಷಣವು ಕಲಿಸುವುದು ಪಾಠ
ಕಲಿಯುತ್ತಾ ನಡೆದವನು ತಿಳಿಯುವನು ಗುಟ್ಟ
ಕೆಲಸವನು ಮಾಡುತ್ತಾ ಪ್ರತಿಫಲ ಬಯಸದಿರು
ನಿನ್ನ ಕೆಲಸದ ತೂಕಕ್ಕೆ ಫಲವನು ಪಡೆಯುತಿರು
ಕೊಟ್ಟು ಕೆಟ್ಟೆ ಎನ್ನದಿರು
ಮುಂದಿಹುದು ಒಳಿತು
ಚಿಂತಿಸಿ ಕಾಲವ ಕಳೆಯದಿರು
ದಿನದಿನವೂ ಹೊಸತು ||