ദേശഭക്തിഗാനം
ദേശഭക്തിഗാനം
നല്ലവാക്കുകളോതണം നന്മനിറഞ്ഞുവാഴണ-
മെന്നുചൊല്ലിപ്പഠിപ്പിച്ചൊരുനല്ലനാടിൻമക്കളല്ലോ,
നമ്മൾ പുണ്യവേദാന്തകഥകളിലെ ഭാരതത്തിൻ
മന്ത്രോച്ചാരണങ്ങൾ നേടിയവരമാനുഷികർ!
പല നാടിൻധിഷണതകളനുഭവിച്ചവർ
പല തലയുടെ ക്രൗര്യമറിഞ്ഞവർ
അടിമകിടന്നു പലരുടെ കാടത്തത്തിന്നു പാത്രമായവർ
ഒരു ദിനംവന്നു സ്വാതന്ത്ര്യം ഭുജിച്ചവർ
നമ്മളേകോദരസാഹോദരരെപ്പോലെ-
യിന്നുവാഴ്വവർ നമ്മൾ
അന്യരുടെയുച്ചിഷ്ടം ഭൂജിക്കാത്തവർ
നമ്മൾ സ്വതന്ത്രചിന്തയിലഭിരമിക്കുന്നവർ!
നമ്മൾക്കുറക്കേയുറക്കെപ്പാടിടാമതെന്നും
ഭാരതമാതാവിൻ മാന്യതനിറയും മന്ത്രം
ജന്മപുണ്യംനിറയുംമന്ത്രം
ജൻമാരിഷ്ടതകൾ മറന്ന മഹാമാന്ത്രം ജന്മകാഹളമോതും ഗാനം.
സഹ്യഹിമാലയസാനുക്കൾക്കുള്ളിൽ നിറയും
തേജോഹരിതനാടിൻ
സ്വാതന്ത്ര്യഗാനമെന്നും പാടാം നമ്മളിൻ നിറയും ഹൃദയവിശുദ്ധിയിൽ
ജയഹേ... ജയഹേ.. ജയജയഹേ!