കാട്ടിലെപാട്ട്.രചന :ബിനു.ആർ
കാട്ടിലെപാട്ട്.രചന :ബിനു.ആർ
പാട്ടൊന്നുപാടാം ഞാൻ
കാട്ടിലെ പാട്ട്
ഹരിതം നിറഞ്ഞൊരു വനത്തിനുള്ളിൽ
ആടിമറിഞ്ഞൊഴുകുന്നൊരു
പുഴ തൻ പാട്ട്
കാടിൻമേലാപ്പിൽ കുമിഞ്ഞു നിൽക്കും
മഴതൻ കോടകളുടെ തണുത്തുറയും
തുയിലുണർത്തും പാട്ട്
ആന മാൻ കരടി കുരങ്ങ്
കടുവകൾ എന്നിവരുടെ
ഗംഭീരം വമിക്കുന്ന ഏമ്പക്കം പാട്ട്
മലമുഴക്കികളുടെ
മാനത്തെ നോക്കിയുള്ള
മുഴക്കമുള്ള പാട്ട്
കാട്ടുപ്രാക്കളുടെ തട്ടുമുട്ട് പാട്ട്
മഞ്ഞക്കിളികളുടെ ഓടക്കുഴൽ
നാദമുണർത്തും മധുരം
തുളുമ്പും പാട്ട്
ഇല്ലിമുളംകൂട്ടങ്ങൾ കാറ്റത്തൂയലാടുമ്പോൾ
തട്ടിമുട്ടണ വാദ്യമേളങ്ങളുടെ പാട്ട്
ഓടിമറയാൻ കാത്തുനിൽക്കും
കാടൻ ഒടിയന്മാരുടെ
മന്ത്രമുണർത്തുന്ന പാട്ട്
എല്ലാംകേട്ടു കഴിയുമ്പോൾ
മനംകുളിരണ പാട്ട്,
കാട്ടിലെപാട്ട്.