जीवन गाणे
जीवन गाणे
हसऱ्या फुलांसारखे आयुष्य हे सुंदर जगावे
सद्गुणांच्या गंध रुपाने आसमंती दरवळावे
नाही गती कर्माविना मानवी या आयुष्याला
कुंचल्याने कष्टाच्या स्वप्नी सारेच रंग भरावे
चटका लावणारी मना असते व्यथा कुणाची
पुसूनी आसवे त्यांना जगण्याचे बळ हे द्यावे
वैरी नको कुणीही आयुष्य असे चार दिवसांचे
अपुलीच सारी नाती सकलांना प्रेम देत जावे
हुरहूर वाटावी प्रत्येकाला गेल्यावर जगातूनी
कर्तव्यानेच अपुल्या जिवंत क्षणोक्षणी रहावे