"काय फरक पडतो."
"काय फरक पडतो."
खरंच जगणं कठीण असतं
मरण वाटावी सुटका
अपेक्षांच्या ओझ्याखाली
मनसोक्त जगण्याला फटका
जिथे आपण कुंपणात राहिलो
तरी काय फरक पडतो
तिथे आपण असलो नसलो
तरी काय फरक पडतो
माझा कुणाला म्हणू की नको
जिथे हा संभ्रम पडतो
मनमोकळे करावे कुठे
दैनंदिन असा प्रश्न अडतो
जिथे आपण बोललो न बोललो
तरी काय फरक पडतो
तिथे आपण असलो नसलो
तरी काय फरक पडतो
हक्कासाठी कुणाशी भांडाव
हट्ट करावा की जिद्द धरावी
जिच्यासाठी आटापिटा करावा
ती गोष्टच आपली नसावी
जिथे आपण हसलो रडलो
तरी काय फरक पडतो
तिथे आपण असलो नसलो
तरी काय फरक पडतो
जगात आपलं म्हणवणार
अस खरंच कुणी नसतं
आपल्यापेक्षा सरस मिळालं की
तेच परक होऊन जात असत
जिथे आपण अलिप्त राहिलो
तरी काय फरक पडतो
तिथे आपण असलो नसलो
तरी काय फरक पडतो
एक एक क्षण जिवनाचा
कसातरी ढकलून काढतो
जगायचं म्हणून जगतांना
स्वतःला हरवून बसतो
जिथे आपण जगलो वाचलो
तरी काय फरक पडतो
तिथे आपण असलो नसलो
तरी काय फरक पडतो