मांगल्य दीप
मांगल्य दीप
दीप मांगल्यस्वरूप
उजळले घरादारात
तिमिराच्या अस्तित्वात
विराजे दीपाची ही मात
दीपाचा अहेर प्रकाश
भिनला चरचरात
तिमिरास थारा नसे
कधी मनमंदिरात
दीप उजळले मनी
सुखसौख्याची वरात
समृद्धीची हसरी किरणे
तेजाळली संसारात
लखलख चंदेरी तेज
झंकारले जीवनात
तिमिराच्या गर्द छायेस
सोडूनिया परसात
आशेचे हे दीप उजळो
स्वप्नपूर्तीच्या आकारात
सद्विचारांचे मोती
वाहूनी संस्कारात
नैराश्याच्या तिमिराला
जागा न मिळो आयुष्यात
दीप आशेचा हा जागो
सदा मनीच्या देव्हाऱ्यात