महिला मुक्तीदिन
महिला मुक्तीदिन
धन्य धन्य झाला महिला समाज हा
आभार मानू किती सावित्री ज्योतिबा
चूल आणि मूल होते नशीब आमचे
अंगणापर्यंत होते अस्तित्व आमचे
केले कितीही काम तरी
कौतुक कुठेही होत नसे
घरात असूनही आम्हास
कोणीही काही विचारत नसे
परंपरा रूढी फक्त आमच्या पुरतीच
साथ देयचा जोडीदारही फक्त क्षणा पुरतीच
टोमणे रुसवे-फुगवे अपमानाचे
का सहन करावे जे नव्हते कधीच आपले
कमाल केली सावित्रीज्योती
प्रचंड दुःखातून दिली महिलास मुक्ती
फेडण्या उपकार तुमच्या कामाचे
उंच भरारीस केले आभाळ मोकळे
श्वास घेतो सुखाचा फक्त तुमच्यामुळे
मान मिळाला जीवनात फक्त शिक्षणामुळे
आता नाही कुठे थांबायचे
असेच पुढे चालू ठेवायचे
50 टक्के आरक्षण दिले
शंभर करून दाखवू
आम्हीही कमी नाही
पुरुष जातीस नक्कीच दाखवू
केली भरपूर गुलामी तुमची
आजही होत आहे चेष्टा-मस्करी आमची
छेडखानी, बलात्कार कधी ऍसिड फेकूनी
शिकवू धडे संस्काराचे कलम वापरून कानूनी
नाजूक, कोमल, अबला, हतबल
मुळीच समजू नका आम्हास
शिक्षण कायद्याने दिले पंखात बळ
येतात गनिमी कावे आम्हास